To‘lov, xavfsizlik va mablag‘ni qaytarish

1.1. To‘lovlar O‘zbekiston so‘mida amalga oshiriladi. Saytda Payme, Click, OSON va Paynet orqali to‘lov usullari taklif etiladi. Siz uchun mavjud usullar va yakuniy summa operatsiyani tasdiqlashdan oldin to‘lov sahifasida ko‘rsatiladi.

1.2. Obuna sotib olish uchun akkauntingizga kiring, tarif va muddatni tanlang, narx hamda shartlarni tekshiring. Mavjud to‘lov usulini tanlab, bank yoki to‘lov xizmatining rasmiy sahifasi yoki ilovasidagi ko‘rsatmalarga muvofiq to‘lovni tasdiqlang. Muvaffaqiyatli to‘lov tasdiqlangach, obuna holatini akkauntingizda tekshiring.

1.3. Payme, Click va OSON orqali obuna uchun to‘lash yoki akkaunt balansini to‘ldirish mumkin; mavjud imkoniyat tanlangan operatsiyaga bog‘liq. Paynet orqali balansni to‘ldirishda Paynet ilovasidagi AniBla xizmatini tanlab, akkaunt ID raqamingizni tekshiring. Balansni to‘ldirish va obuna sotib olish alohida operatsiyalar bo‘lishi mumkin.

1.4. Mablag‘ yechilib, balans yoki obuna yangilanmasa, takroran to‘lashdan oldin chekni saqlab, yordam xizmatiga murojaat qiling. Akkaunt ID raqami, to‘lov sanasi, summasi va operatsiya raqamini yuboring.

2.1. To‘lovlarni qayta ishlashda bank va to‘lov xizmatlarining firibgarlikka qarshi imkoniyatlari qo‘llaniladi. To‘lovlar va tranzaksiyalar firibgarlik alomatlari bo‘yicha tekshirilishi mumkin.

2.2. Bank xavfsizlik tizimida shubha uyg‘otgan operatsiyalar cheklanishi, qo‘shimcha tasdiqlash talab qilinishi yoki rad etilishi mumkin. Firibgarlik xavfi aniqlanganda operatsiyani bajarish tekshiruv davomida vaqtincha to‘xtatilishi mumkin.

2.3. Ma’lumotlarni uzatish uchun himoyalangan aloqa kanallari va axborot xavfsizligi vositalaridan foydalaniladi. To‘lovchini aniqlash, tekshirish va uning operatsiyani tasdiqlashi tanlangan to‘lov usuli hamda bank talablariga muvofiq amalga oshiriladi.

2.4. Anibla ruxsatsiz operatsiyalarning oldini olish uchun bank bilan hamkorlik qiladi, internet-ekvayring shartnomasida nazarda tutilgan tegishli cheklovlar va xavfsizlik talablariga hamda ichki xavfsizlik qoidalariga amal qiladi.

2.5. Mijoz shaxsiy ma’lumotlari, parollari, karta PIN-kodi va tasdiqlash kodlarini uchinchi shaxslarga bermasligi, elektron to‘lov xizmatlaridan xavfsiz foydalanish qoidalariga rioya qilishi kerak. SMS-kodni faqat bank yoki to‘lov xizmatining rasmiy tasdiqlash shakliga kiriting. Yordam xizmati parol, PIN, CVC/CVV yoki SMS-kodni so‘ramaydi.

2.6. Siz bajarmagan yoki shubhali operatsiya aniqlansa, darhol kartangizni chiqargan bankka va Anibla yordam xizmatiga xabar bering. Murojaatda akkaunt ID raqami va to‘lov haqidagi mavjud ma’lumotlarni ko‘rsating, maxfiy kodlarni yubormang.

2.7. Firibgarlik alomatlari yoki xavfsizlik talablari buzilishi aniqlansa, Anibla tegishli operatsiyani cheklashi yoki rad etishi mumkin. Mablag‘ni qaytarish masalasi ommaviy oferta va qonunchilik asosida ko‘rib chiqiladi.

3.1. Xato, takroriy, asossiz yoki ko‘rsatilmagan xizmat uchun olingan to‘lovlar, shuningdek sarflanmagan to‘langan balansni qaytarish bo‘yicha murojaatlar ommaviy oferta va qonunchilikka muvofiq ko‘rib chiqiladi. Faqat obunani bekor qilish yoki kontentni tomosha qilmaslik avtomatik ravishda barcha to‘lovlar qaytarilishini anglatmaydi; foydalanuvchining qonuniy huquqlari saqlanadi.

3.2. Murojaatni aniblauz@gmail.com manziliga yuboring. Akkaunt ID raqami, to‘lov sanasi va summasi, to‘lov usuli, chek yoki operatsiya raqami hamda murojaat sababini ko‘rsating. To‘liq karta raqami, CVC/CVV, PIN, parol yoki SMS-kodni yubormang.

3.3. Murojaatga 15 kalendar kun ichida asoslantirilgan javob beriladi. Qaytarish asoslari tasdiqlangach, Anibla qaytarish operatsiyasini ko‘pi bilan 10 ish kuni ichida amalga oshiradi. Qonunda qisqaroq muddat belgilansa, shu muddat qo‘llaniladi. Bankning mablag‘ni hisobga kiritish muddati alohida bildiriladi.

3.4. Mablag‘ odatda dastlabki to‘lov manbaiga qaytariladi. Buning imkoni bo‘lmasa, to‘lovchining huquqi tekshirilib, qonuniy muqobil usul kelishiladi. Portal balansiga qaytarish faqat foydalanuvchining roziligi bilan amalga oshiriladi. To‘liq shartlar ommaviy ofertaning 5.11-bandida keltirilgan.